عارف يعني إيه "قطعي الثبوت قطعي الدلالة" عند الجمهور مش عند الظاهرية يعني إيه؟!! عند الجمهور أن قطعي الثبوت هو المتواتر فقط قراءان وسنة متواترة وهي لا تتعدى مائة حديث على أقصى تقدير،وده اللي قاله "برهامي" في النسخة بتاعته القديمه لما قال"كده انتوا بتحذفوا البخاري ومسلم من الشريعة"، وده صحيح لأن الأحاديث الصحيحة هي أحاديث آحاد وهي عند الجمهور لا تفيد القطع ولكن تفيد الظن الراجح،،خذ الثانية:-ومعنى قطعي الدلالة يعني كمان مش كل آيات القرءان والأحاديث المتواترة،لأ،ده اللي له معنى قطعي مايختلفش عليه اتنين من الجمهور اللي بيأوِّل (مش من الظاهرية الذين لا يُأوِّلون) وده مش موجود أبداً غير في آيات لا تتعدى صوابع اليدين،ممكن تضيف لهم صوابع يدين حد كمان معاك(بس لازم يكون سلفي برهامي)،مثل آية تتحدث عن رقم فده غير قابل للتأويل،لكن كل آية تتحدث باللغة العربية فهي حمَّالة أوجه لا حصر لها من المجاز والكناية و و و.
عارف بأه يعني إيه قطعي الثبوت عند الظاهرية،هو القرءان وكل ما صح من حديث عن رسول الله متواتر أو غير متواتر.
ومعنى قطعي الدلالة فهو كل نص أصلاً،لأن دلالة الظاهر قطعية لا خلاف عليها.
فقط قد يُختَلَف على دلالة الظاهر عند تعارض ظاهر نص مع ظاهر نص آخر فساعتها نتجِّه للجمع بطُرُقِه المتعددة والتي أيضاً هي طرق منطقية يقينية قطعية،ولو حدث اختلاف فيها فهو نادر بشري حتمي لا يؤثر على أصل القطع للدلالة بالنص.
عرفت ليه بأه "السلفي البرهامي" بيضحك عليك ويقول لك ٢١٩ انتصار للشريعة،وبعدين يرجع يقول لك حذفها انتصار للشريعة!! لأن كلامه تنطع وزيف كلامه لا قطعي الثبوت ولا قطعي الدلالة ولا كلام من يعي من يقول أصلاً.
وعرفت ليه بأه أنا "ظاهري" عشان محدش يتنطَّع ويعمل عليا "برهامي".
فإن كنت برهامياً فاستعذ بالله من الشيطان الرجيم ولا تكمل هذا الطريق.
وإن كنت ظاهرياً فلتحمد الله على نعمته عليك فهي نعمة قطعية الثبوت وقطعية الدلالة :)
#انتهى
