أيوه يا سيدى أنا مهرج، بلياتشو، آه والله إيه المشكلة يعنى ، لا هو عيب ولا حرام ..
بصحى كل يوم الصبح زى الناس أقوم أتوضا وأنزل أصلى الفجر وأرجع ،، أفطر .. إيه عادى لحد كده ؟ .. طب تمام
فى يوم منذات الأيام اللى لا بتهدا فيه الجراح ولا تنام، لما صحيت بصيت فى المراية لقيت نفسى، آه والله نفسى ، أصل وشى الحقيقى ده نادراً مابشوفه وأحس بيه، بشوفه بس ساعة لما أخش أوضتى فى السيرك وأقعد قدام المراية أحط ماكياج البلياتشو ، وبعدين أخرج طول الليل أقدم فقراتى وبعدين أرجع تانى أوضتى أشيل المكياج وبعدين أروح أنام ،عادى يعنى ...
بس اليوم ده كنت مسافر فى القطر رايح أقدم فقرة فى السيرك العالمى لأنى مهرج عالمى على فكرة، آه وربنا ماتستقلش بيا عشان أنا مهرج
وجت قعدتى يومها فى القطر جنب دكتور نفسانى بس باين عليه جامد أوى فى مهنته . وقعدتنا يا سيدى نتكلم ونتعرف ،، ماتيجو نشوف ..
- أهلا وسهلا بحضرتك أنا إسمى المهرج البلياتشو وبأشتغل بلياتشو فى سيرك وحضرتك؟
- رفع الدكتور حاجبيه فى دهشة ومد يده ليرد مصافحتى قائلاً: أنا دكتور فلان الفلانى الطبيب النفسانى ...
- ما شاء الله، على كده احنا زملاء .. ما تستغربش أوى ، مش حضرتك وظيفتك إسعاد الآخرين ، وعلاج أمراضهم وسعادتهم ؟ طيب ما أنا كمان كده برضه ، بس الفرق بينا ان حضرتك بتكتب لهم أدوية كيماوية تظبط لهم كيمياء المخ فينبسطوا وأنا بضحكهم فينبسطوا فتتظبط كيمياء المخ لوحدها كده خلقة ربنا ...
- ابتسم الطبيب : عندك حق والله ماخدتش بالى من المقارنة دى
- وعلى فكرة أنا معايا دبلومة تهريج من جامعة كبيرة أوى فى أوروبا والدول المتقدمة.
- ضحك الطبيب وقال : بجد ؟! أنعم وأكرم ،، هو التهريج كمان بقى بيتدرس ؟!
- انت ناسى يا دكتور ان الكيمياء زمان كانت سحر وشعوذة وكفر كمان ؟! طيب التهريج كمان علم بس لسه البارادايم بتاع الناس مورِّيهولهم على أنه هبل و عبط ، عادى، وحضرتك سيد العارفين بقى بالباراديم وألاعيبه فى مخاخ الناس .. وضحكت
-الطبيب ضاحكاً: ده انت مشكلة وأنا اللى كنت فاكر نفسى حفضل زهقان طول السكة وأنام،، قول يا سيدى ...
-أقول إيه بس يا دكتور؟! ولا حاجة زى ماقلت لك أنا بخلى الناس تضحك فتتظبط الكيمياء وتبقى تمام،، انت عارف لما الانسان بيضحك كام عضلة بتشتغل فى الوش وكام اندورفين بيطلق فى المخ ؟
- لأ مش عارف ،، كام ؟
- ولا أنا أعرف يا دكتور برضه هاهاهاها ،، مش ده المهم أصلاً المهم إنى أنا اللى بخليهم يطلعوا فى المخ والباقى بتاع ربنا بقى سبحانه وتعالى .. عارف يا دكتور؟ أنا لما بشوف واحد أو واحدة حاطط إيده على خده فى أى مكان شئ كده لا إرادى يخللينى ألبس على طول وش البلياتشو وأروح أضحّكه ولا أضحكها !!
- تعجب الدكتور قائلاً : كده من الباب للطاق من غير ما تعرفه ولا تعرفها ؟!
- مش مهم أعرفه المهم أضحكه،، وأنسيه همومه، ده أنا من كتر ما بعمل زى سوبرمان كده وأقطع فى هدومى عشان أطير بقى وأبقى سوبرمان من الانسان العادى كلارك كنت ،، بقيت على طول حاطط وش المهرج على وشى ولا بس لبس المهرج طول الوقت وأقعد فى الميادين وأروح القهاوى والنوادى أبسط الناس الصبح لحد ما يجيى شغلى وأبسط الناس بالليل ... تصدق دى بقى ؟!
-سكت الدكتور قليلاً وغمغم متعجباً : أصدق .
- بس يا دكتور أنا فى حاجة غريبة بتحصل لى ، إن من كتر ما ضحكت الناس وبسطتهم افتكروا إنى أنا نفسى مبسوط على طول ومعنديش مشاكل !! مش عارفين إنى أنا كمان بنى آدم برضه ليا مشاعيرى ومحاسيسى كده زى اللمبى برضه هاهاهاها
-ضحك الدكتور : طيب يا سي لمبى فهمهم ان انت لك مشاعيرك ومحاسيسك
- ما أنا لما بفهمهم بيقعدوا يعيطوا بقى وأصعب عليهم ، ويا ضنايا يا بنى ويا كبدى و نظام أمينة رزق بقى ويوسف وهبى ،، لا كده أحسن لمبى لمبى بس الناس ما تتضايقش وتحس بأى ألم بسببى ،، هما ناقصين ؟!
- ابتسم الدكتور وقال : ما شاء الله على المشاعر النبيلة بس انت كده حتتحرق بسرعة، لازم تتعامل بحرفية أكتر من كده
- ما هو ده الفرق بقى اللى ما بينى وبينكم يا دكاترة الطب النفسى، أنا باسعد الناس بالفطرة وهى دى فطرتى الربانية وانتم بتسعدوهم بالحرفة والمهنة من غير أى مشاعير ولا محاسيس ،، الفرق عندى ان كل انسان باسعده تجربة ذاتية خاصة مش ممكن تتساوى مع صاحباتها ،، أنا باغسل هموم الناس ، وانت بتحط عليها كولونيا
- تعجب الدكتور من منطقى هذا وقال: غريبة أوى الفلسفة دى وجديدة عليا
- أومال يا دكتور ! مش بقول لك أنا مهرج متخصص فى التهريج ،، ما بهرجش والله بتكلم جد هاهاهاهاهاها
ضحك الدكتور من قلبه وقهقه هذه المرة ،، ففرحت جداً أنه سعيد، لاحظت أنه كان فى يده علبة دواء كان يستعد لأن يأخذ منها حبة طول الوقت وأنا معطله ، ولا حظت أيضاً أنه حطها فى شنطته كأنه لم يعد محتاج إليها،، التهريج شكله قلب بجد مع الراجل ولا إيه هاهاهاهاها
- وانت رايح فين يا دكتور؟
- أنا مروح لمراتى وهى عازمانى النهاردة على .............. وسكت وتعجب !! ثم قال زاهلاً : دى عازمانى على السيرك أنا والعيال بالليل النهاردة فى السيرك العالمى ؟! إزاى ماخدتش بالى وانت عمال تقول لى السيرك العالمى !!!!!
- ما هو ده اللى مجننى يا دكتور برضه ، ان الناس مش واخده بالها انها بتروح السيرك وبتشوفنى ، لكنها ما تعرفنيش لأنى بابقى بمكياج البلياتشو ، وده بيزعلنى أوى، بحس إنى نكرة، إنى ولا حاجة، أنا مش طال من الناس غير انهم يعرفونى بس ولو قدروا يحبونى يحبونى ولو ماقدروش ما يكرهونيش !! تصدق انهم بعد العرض بسمعهم بيشكروا فى فقرتى جداً وأنا مروح وبأبقى راكب معاهم المترو وسامعهم وأتكسف أقول لهم أنه أنا المهرج اللى بتتكلموا عليه !!! ولو حاولت أقرب وأكلمهم يا إما ما يصدقونيش يا إما ما يتجاوبوش معايا ،، ليه عشان أنا مش حاطط مكياج البلياتشو !!! باكون عايز أبكى بس البكاء وحش أوى وبصراحة بابقى مش فاضى أبكى لإنى مرهق هاهاهاهاها ..
- ابتسم الدكتور ابتسامة شاحبة مصحوبة بدمعة تترقرق نزلت غصب عنه فمسحها بسرعة بمنديل ،، وقال لى : انت حتخللينى أحس بيك وأتأثر بكلامك بقى ولا إيه ؟! وبعدين ؟! وضحك ...
- أنا آسف جداً يا دكتور ما تزعلش منى ،، مش قصدى والله إنى أشيّلك همومى
- يا سيدى ولا يهمك الناس لبعضيها ..
وتحدثنا حتى وصلنا ... وافترقنا على أمل اللقاء فى السيرك ليلاً
دخلت حجرتى أضع مكياجى ، وفجأة دخلت علىّ تقول لى ان فقرتى اقتربت ، من هى ؟ هى أجمل من رأت عينى لم ترنى من قبل ولما رأت وجهى وعرفت أنى المهرج اقتربت منى وقالت : وجهك يشبه أحداً ما لا أتذكر ؟؟
- وقفت وقلت لها : يشبهك أنت ؟؟!!
نظرنا فى المرآة ثم نظرنا لبعضنا البعض والتقت عينانا فى لمعة حب جميلة ..
- ابتسمت لها وابتسمت لى وقلت لها: ممكن نتقابل بعد نهاية الفقرات أوصلك ؟
- ابتسمت فى حياء وقالت : ماشى ،، يللا بأى على فقرتك لحسن تتأخر
ارتفع الستار على فقرتى
ضحك، ضحك ،ضحك ،ضحك ،ضحك ،ضحك ،ضحك ،ضحك ،ضحك ،
تصفيق حدا ،، برغم إنى لم أبدأ حتى فقرتى ومن قريب لمحت الدكتور بجانب زوجته وأولاده يصفق ويصفق ويصفق ... وزوجته تنظر له باستغراب : هو لسه الفقرة بدأت ؟! فقال لها : ده البلياتشو يا ستى البلياتشو ،، عارفه يعنى إيه ؟؟!! أهم فقرة فى السيرك النهاردة ولمعت عيناه بدمعة سعادة غامرة سرعان ما مسحها بمنديله ولا تزال علامات التعجب تملأ وجه زوجته ..
ضحك ،، تصفيق ،،
ثم ينزل الستار
بصحى كل يوم الصبح زى الناس أقوم أتوضا وأنزل أصلى الفجر وأرجع ،، أفطر .. إيه عادى لحد كده ؟ .. طب تمام
فى يوم منذات الأيام اللى لا بتهدا فيه الجراح ولا تنام، لما صحيت بصيت فى المراية لقيت نفسى، آه والله نفسى ، أصل وشى الحقيقى ده نادراً مابشوفه وأحس بيه، بشوفه بس ساعة لما أخش أوضتى فى السيرك وأقعد قدام المراية أحط ماكياج البلياتشو ، وبعدين أخرج طول الليل أقدم فقراتى وبعدين أرجع تانى أوضتى أشيل المكياج وبعدين أروح أنام ،عادى يعنى ...
بس اليوم ده كنت مسافر فى القطر رايح أقدم فقرة فى السيرك العالمى لأنى مهرج عالمى على فكرة، آه وربنا ماتستقلش بيا عشان أنا مهرج
وجت قعدتى يومها فى القطر جنب دكتور نفسانى بس باين عليه جامد أوى فى مهنته . وقعدتنا يا سيدى نتكلم ونتعرف ،، ماتيجو نشوف ..
- أهلا وسهلا بحضرتك أنا إسمى المهرج البلياتشو وبأشتغل بلياتشو فى سيرك وحضرتك؟
- رفع الدكتور حاجبيه فى دهشة ومد يده ليرد مصافحتى قائلاً: أنا دكتور فلان الفلانى الطبيب النفسانى ...
- ما شاء الله، على كده احنا زملاء .. ما تستغربش أوى ، مش حضرتك وظيفتك إسعاد الآخرين ، وعلاج أمراضهم وسعادتهم ؟ طيب ما أنا كمان كده برضه ، بس الفرق بينا ان حضرتك بتكتب لهم أدوية كيماوية تظبط لهم كيمياء المخ فينبسطوا وأنا بضحكهم فينبسطوا فتتظبط كيمياء المخ لوحدها كده خلقة ربنا ...
- ابتسم الطبيب : عندك حق والله ماخدتش بالى من المقارنة دى
- وعلى فكرة أنا معايا دبلومة تهريج من جامعة كبيرة أوى فى أوروبا والدول المتقدمة.
- ضحك الطبيب وقال : بجد ؟! أنعم وأكرم ،، هو التهريج كمان بقى بيتدرس ؟!
- انت ناسى يا دكتور ان الكيمياء زمان كانت سحر وشعوذة وكفر كمان ؟! طيب التهريج كمان علم بس لسه البارادايم بتاع الناس مورِّيهولهم على أنه هبل و عبط ، عادى، وحضرتك سيد العارفين بقى بالباراديم وألاعيبه فى مخاخ الناس .. وضحكت
-الطبيب ضاحكاً: ده انت مشكلة وأنا اللى كنت فاكر نفسى حفضل زهقان طول السكة وأنام،، قول يا سيدى ...
-أقول إيه بس يا دكتور؟! ولا حاجة زى ماقلت لك أنا بخلى الناس تضحك فتتظبط الكيمياء وتبقى تمام،، انت عارف لما الانسان بيضحك كام عضلة بتشتغل فى الوش وكام اندورفين بيطلق فى المخ ؟
- لأ مش عارف ،، كام ؟
- ولا أنا أعرف يا دكتور برضه هاهاهاها ،، مش ده المهم أصلاً المهم إنى أنا اللى بخليهم يطلعوا فى المخ والباقى بتاع ربنا بقى سبحانه وتعالى .. عارف يا دكتور؟ أنا لما بشوف واحد أو واحدة حاطط إيده على خده فى أى مكان شئ كده لا إرادى يخللينى ألبس على طول وش البلياتشو وأروح أضحّكه ولا أضحكها !!
- تعجب الدكتور قائلاً : كده من الباب للطاق من غير ما تعرفه ولا تعرفها ؟!
- مش مهم أعرفه المهم أضحكه،، وأنسيه همومه، ده أنا من كتر ما بعمل زى سوبرمان كده وأقطع فى هدومى عشان أطير بقى وأبقى سوبرمان من الانسان العادى كلارك كنت ،، بقيت على طول حاطط وش المهرج على وشى ولا بس لبس المهرج طول الوقت وأقعد فى الميادين وأروح القهاوى والنوادى أبسط الناس الصبح لحد ما يجيى شغلى وأبسط الناس بالليل ... تصدق دى بقى ؟!
-سكت الدكتور قليلاً وغمغم متعجباً : أصدق .
- بس يا دكتور أنا فى حاجة غريبة بتحصل لى ، إن من كتر ما ضحكت الناس وبسطتهم افتكروا إنى أنا نفسى مبسوط على طول ومعنديش مشاكل !! مش عارفين إنى أنا كمان بنى آدم برضه ليا مشاعيرى ومحاسيسى كده زى اللمبى برضه هاهاهاها
-ضحك الدكتور : طيب يا سي لمبى فهمهم ان انت لك مشاعيرك ومحاسيسك
- ما أنا لما بفهمهم بيقعدوا يعيطوا بقى وأصعب عليهم ، ويا ضنايا يا بنى ويا كبدى و نظام أمينة رزق بقى ويوسف وهبى ،، لا كده أحسن لمبى لمبى بس الناس ما تتضايقش وتحس بأى ألم بسببى ،، هما ناقصين ؟!
- ابتسم الدكتور وقال : ما شاء الله على المشاعر النبيلة بس انت كده حتتحرق بسرعة، لازم تتعامل بحرفية أكتر من كده
- ما هو ده الفرق بقى اللى ما بينى وبينكم يا دكاترة الطب النفسى، أنا باسعد الناس بالفطرة وهى دى فطرتى الربانية وانتم بتسعدوهم بالحرفة والمهنة من غير أى مشاعير ولا محاسيس ،، الفرق عندى ان كل انسان باسعده تجربة ذاتية خاصة مش ممكن تتساوى مع صاحباتها ،، أنا باغسل هموم الناس ، وانت بتحط عليها كولونيا
- تعجب الدكتور من منطقى هذا وقال: غريبة أوى الفلسفة دى وجديدة عليا
- أومال يا دكتور ! مش بقول لك أنا مهرج متخصص فى التهريج ،، ما بهرجش والله بتكلم جد هاهاهاهاهاها
ضحك الدكتور من قلبه وقهقه هذه المرة ،، ففرحت جداً أنه سعيد، لاحظت أنه كان فى يده علبة دواء كان يستعد لأن يأخذ منها حبة طول الوقت وأنا معطله ، ولا حظت أيضاً أنه حطها فى شنطته كأنه لم يعد محتاج إليها،، التهريج شكله قلب بجد مع الراجل ولا إيه هاهاهاهاها
- وانت رايح فين يا دكتور؟
- أنا مروح لمراتى وهى عازمانى النهاردة على .............. وسكت وتعجب !! ثم قال زاهلاً : دى عازمانى على السيرك أنا والعيال بالليل النهاردة فى السيرك العالمى ؟! إزاى ماخدتش بالى وانت عمال تقول لى السيرك العالمى !!!!!
- ما هو ده اللى مجننى يا دكتور برضه ، ان الناس مش واخده بالها انها بتروح السيرك وبتشوفنى ، لكنها ما تعرفنيش لأنى بابقى بمكياج البلياتشو ، وده بيزعلنى أوى، بحس إنى نكرة، إنى ولا حاجة، أنا مش طال من الناس غير انهم يعرفونى بس ولو قدروا يحبونى يحبونى ولو ماقدروش ما يكرهونيش !! تصدق انهم بعد العرض بسمعهم بيشكروا فى فقرتى جداً وأنا مروح وبأبقى راكب معاهم المترو وسامعهم وأتكسف أقول لهم أنه أنا المهرج اللى بتتكلموا عليه !!! ولو حاولت أقرب وأكلمهم يا إما ما يصدقونيش يا إما ما يتجاوبوش معايا ،، ليه عشان أنا مش حاطط مكياج البلياتشو !!! باكون عايز أبكى بس البكاء وحش أوى وبصراحة بابقى مش فاضى أبكى لإنى مرهق هاهاهاهاها ..
- ابتسم الدكتور ابتسامة شاحبة مصحوبة بدمعة تترقرق نزلت غصب عنه فمسحها بسرعة بمنديل ،، وقال لى : انت حتخللينى أحس بيك وأتأثر بكلامك بقى ولا إيه ؟! وبعدين ؟! وضحك ...
- أنا آسف جداً يا دكتور ما تزعلش منى ،، مش قصدى والله إنى أشيّلك همومى
- يا سيدى ولا يهمك الناس لبعضيها ..
وتحدثنا حتى وصلنا ... وافترقنا على أمل اللقاء فى السيرك ليلاً
دخلت حجرتى أضع مكياجى ، وفجأة دخلت علىّ تقول لى ان فقرتى اقتربت ، من هى ؟ هى أجمل من رأت عينى لم ترنى من قبل ولما رأت وجهى وعرفت أنى المهرج اقتربت منى وقالت : وجهك يشبه أحداً ما لا أتذكر ؟؟
- وقفت وقلت لها : يشبهك أنت ؟؟!!
نظرنا فى المرآة ثم نظرنا لبعضنا البعض والتقت عينانا فى لمعة حب جميلة ..
- ابتسمت لها وابتسمت لى وقلت لها: ممكن نتقابل بعد نهاية الفقرات أوصلك ؟
- ابتسمت فى حياء وقالت : ماشى ،، يللا بأى على فقرتك لحسن تتأخر
ارتفع الستار على فقرتى
ضحك، ضحك ،ضحك ،ضحك ،ضحك ،ضحك ،ضحك ،ضحك ،ضحك ،
تصفيق حدا ،، برغم إنى لم أبدأ حتى فقرتى ومن قريب لمحت الدكتور بجانب زوجته وأولاده يصفق ويصفق ويصفق ... وزوجته تنظر له باستغراب : هو لسه الفقرة بدأت ؟! فقال لها : ده البلياتشو يا ستى البلياتشو ،، عارفه يعنى إيه ؟؟!! أهم فقرة فى السيرك النهاردة ولمعت عيناه بدمعة سعادة غامرة سرعان ما مسحها بمنديله ولا تزال علامات التعجب تملأ وجه زوجته ..
ضحك ،، تصفيق ،،
ثم ينزل الستار
